PNP reresbak sa mga NPA na pumatay sa 5 pulis sa Camarines Norte
MANILA, Philippines — “Mabigyan agad ng hustisya ang pagkamatay ng limang pulis sa kamay ng mga miyembro ng New People’s Army na umambus sa kanila sa Labo, Camarines Norte.”
Ito ang nais ni PNP officer in charge, Lt. General Guillermo Eleazar na nakakagalit ng husto ang ginawang pananambang sa mga pulis na inatasan lang na bantayan ang ginagawang Tagkawayan-Labo Road.
Kaya’t nakipag-ugnayan na siya kay AFP Chief of Staff General Cirilito Sobejana at inatasan na niya sina Calabarzon police director, Brig. Gen. Felipe Natividad at Bicol police director, Brig. Gen. Bartolome Bustamante na buhusan ng puwersa ang pagtugis sa mga rebelde.
Sinabi nito, tumanggi ang contractor ng proyekto na magbigay ng porsiyento sa halaga ng kontrata sa mga rebelde kaya’t napagdiskitahan ang mga pulis.
Base sa paunang ulat, pitong miyembro ng 2nd Provincial Mobile Force Company ang pinagbantay sa proyekto sa Barangay Dumagmang bunsod ng hirit ng NPA.
At habang nagpapatrulya ang mga pulis dakong alas-9:45 ay tinambangan na sila ng mga rebelde na ikinasawi ng limang pulis at pagkasugat ng dalawa pa.
- Latest