P50 bilyong supplemental fund para sa retiradong sundalo ihahain sa Kamara
MANILA, Philippines — Ngayong araw ay ihahain ni ACT-CIS Rep. at House Appropriations Committee Chairman Cong. Eric Yap ang P50 bilyong supplemental fund para sa mga retiradong sundalo na ipapalit sa nawawalang retirement fund ng mga sundalo na pinatanggal noon pang 2018 na nabunyag lang kamakailan.
Sinabi ni Yap na bagamat 2019 siya naupo bilang chairman ng House Appropriations Committee, ang budget na lang daw para sa 2020 ang kanyang narebisa at inaprubahan.
Subalit,ang pinakamalaking tinapyas na pondo sa mga retired AFP personnel ay noong 2019 na umabot sa P74 bilyon na inaprubahan ni Davao 3rd District Cong. Isidro Ungab na siyang House Appropriation Chairman.
Sinabi pa ni Yap na ang P20 bilyon na inalis sa pension ng mga sundalo noong nakaraang taon ay inilagay sa pagpapatayo ng DPWH ng mga quarantine facilities, ayuda sa mga nawalan ng trabaho at yung iba ay napunta sa DSWD assistance to individuals in crisis situation.
- Latest
