Misis na bagong panganak pinatay ng mister
Dahil sa P103K bill sa ospital...
MANILA, Philippines — Mistulang nawala sa pag-iisip ang isang mister nang ataduhin niya ng saksak ang bagong panganak na misis, kamakalawa ng gabi sa General Santos City.
Nakakulong na sa Tinagacan Police ang suspek na si Rodolfo Bacyano, 34, ng Purok 6 Lower Labay, Tinagacan ng nasabing lungsod.
Ayon kay Police Capt. Nemesio Calipho, hepe ng Tinagacan Police Station, inamin ng suspek ang kanyang nagawang krimen sa kanyang misis na si Aileen Yama, 23 na nanganak ng kambal at umabot sa P103,000 ang bill.
Bago ito, nabatid na umuwing lasing kamakalawa ang suspek kaya’t umalis ang biktima bitbit ang kanilang tatlong buwang kambal na anak.
Sinundo ng suspek sa kapitbahay ang kanyang misis at nang makauwi ay doon na ito inundayan ng saksak sa iba’t ibang bahagi ng katawan.
Nasa pangangalaga pa ng mga kapitbahay ang naulilang tatlong buwang kambal.
- Latest