Mister kinatok ng kamatayan

MANILA, Philippines — Idineklarang dead on arrival si Eduardo Zosimo Tiangco, nasa hustong gulang, company driver matapos na barilin ng hindi pa kilalang salarin na kumatok sa pinto ng kanyang bahay sa Antipolo City, Rizal, kamakalawa ng gabi.

Sa ulat ng Antipolo City Police, alas-10:15 ng gabi ay nagpapahinga sa loob ng kanilang bahay sa Sitio Tagumpay, Brgy. Bagong Nayon, Antipolo City ang biktima nang may kumatok sa pinto ng kanyang bahay.

Nang buksan nito ang pintuan ay agad siyang pinutukan ng suspek na mabilis na tumakas nang bumagsak ang biktima.

Ilang kapitbahay ang nagsugod sa biktima sa District Hospital sa Barangay Dela Paz ngunit binawian din ito ng buhay.