Pick-up sumalpok sa poste: 4 utas
MANILA, Philippines — Nasawi ang apat na magkakaibigan habang isa ang sugatan matapos sumalpok ang kanilang sinasakyang pick-up sa isang poste ng kuryente sa Tuguegarao City kamakalawa ng gabi.
Kinilala ang mga nasawi na sina Fidel Baldos; Alvin Dela Cruz; Patrick Desuasido; at Kenneth Maggay ng Barangay Caggay, habang sugatan naman ang driver ng sasakyan na si Rowel Bambilla.
Sa imbestigasyon, bago nangyari ang aksidente, alas-11:18 ng gabi ay binabagtas ng mga biktima ang kahabaan ng Balzain Hi-way sakay ng isang puting pick-up (UIL-230) na minamaneho ni Bambilla nang mawalan umano ng kontrol sa manibela at sumalpok sa isang poste ng kuryente.
Kinumpirma ng pulisya na nasa impluwensya ng alak ang driver na si Bambilla na nahaharap sa patung-patong na kaso. - Raymund Catindig
- Latest