Wala nang extension sa paghain ng COC — Comelec

MANILA, Philippines — Inihayag ni Commission on Elections (Comelec) Spokesman Director James Jimenez na walang mangyayaring pagpapalawig ng paghahain ng Certificate of Candidacy o COC ng mga kakandidato sa Mayo 2022 elections.

Ang filling ng COC ng mga nais kumandidato para sa 2022 May election ay nakatakda sa Oktubre 1 hanggang 8, 2021 at ang last minute ng pagbabago ng kandidado o withdrawal ng kanilang candidacy ay hanggang Nobyembre 15. Paliwanag niya, dapat nakapaghain na ng withdrawal of candidacy ang isang kandidato dahil kailangan na aniyang mag-imprenta ng mga balota sa nasabing petsa.

Mayroon naman aniyang calendar of activities kung saan nakadetalye ang window for withdrawal.