Emission testing center nameke ng resulta, sinuspinde ng DOTr
MANILA, Philippines — Isang private emission testing center (PETC) ang sinuspinde ng Department of Transportation (DOTr) dahil sa umano’y pamemeke ng emission test results.
Sa paabiso ng DOTr, ang pinatawan ng suspensyon ay ang San Roque VJ Emission Testing Center, na matatagpuan sa Upper Turno, Dipolog City, Zamboanga del Norte.
Sa pamamagitan ng Investigation Security and Law Enforcement Staff (ISLES), naglabas ang DOTr ng preliminary suspension order (Department Order 2016-017) noong Enero 25, 2021 dahil sa pamemeke ng emission test results.
Epektibo ang suspensyon sa loob ng 90 araw o tatlong buwan.
- Latest