Virtual nuptials pinalagan ng CBCP
MANILA, Philippines — Pinalagan ng Catholic Bishops Conference of the Philippines (CBCP) ang panukalang isinusulong ng Kongreso kung saan ipatutupad ang virtual nuptials na posible umanong maging ugat ng mga pekeng kasal.
“It’s going to pose a lot of risks also, kapag halimbawang matuloy ‘yan, baka makakuha tayo ng mga kasal na hao shao, lalo natin dito guguluhin ang sanctity ng pamilya,” lahad ni Fr. Jerome Secillano, executive director ng CBCP Public Affairs Committee.
“Naiintindihan ko kung bakit nagkaroon ng ganyang bill dahil nga restricted ‘yung mga pumapasok ng simbahan. Pero hindi dapat sa ganyang kadahilanan ay baguhin natin ‘yung batas,” lahad pa ni Secillano.
“Kaya instead of being very practical about responding to a particular situation, nag-i-evolve ang situation so sabi ko nga magiging moot and academic ‘yung bill na ‘yan kaya mas maganda na ‘yung kongreso ‘wag na nilang talakayin kasi hindi naman ito pang habambuhay na pandemya,” dagdag pa nito.
Maaalalang isa ang kasal sa naapektuhan ng pandemya kung saan limitado ang pagsasagawa ng mass gathering at dahil na rin sa umiiral na community quarantine sa ilang lugar.
- Latest