Libong biktima ng baha sa Negros Occidental, inayudahan
MANILA, Philippines — Libu-libong pamilya na naapektuhan ng pagbaha sa Negros Occidental ang nakatanggap ng food assistance mula kay Senator Grace Poe.
Sa isang relief operation na pinangasiwaan ng Panday Bayanihan sa mga siyudad ng Victorias at Silay kung saan libu-libong pamilya ay naging biktima ng malaking pagbaha.
Tumanggap ang mga ito ng food packs na may kilu-kilong bigas, packs of noodles, cans of corned beef and beef loaf, at sachets of coffee drink.
“Alam po natin na hindi sapat ‘yan, pero kahit paano, mararamdaman nila na nandito ang inyong lingkod sa sitwasyon na kailangan nila ang tulong at kalinga,” wika ni Poe.
Nagpasalamat ang mga benepisyaryo kay Poe at sa Panday Bayanihan sa pagsasabing nagbigay inspirasyon sa kanila ang tulong na natanggap upang sila ay muling makabangon sa krisis.
Ang Panday Bayanihan ay isang non-government organization na pinamumunuan ng anak ng senadora at kanyang chief of staff na si Brian Poe Llamanzares na aktuwal na nangasiwa sa pagkakaloob ng ayuda.
Magugunita na noong Bagong Taon ay nakaranas ng matinding pagbaha ang mga residente ng lungsod ng Victorias at Silay at iba pang lugar sa Third District of Negros Occidental.
- Latest
