DepEd, dapat magpaliwanag sa Igorot topic sa module — Yap

MANILA, Philippines — Dapat na magpaliwanag ang Dept. of Education (DepEd) tungkol sa isang topic sa module tungkol sa mga Igorot na tila pang-iinsulto.

Ito ang sinabi ni Benguet caretaker at ACT-CIS Cong. Eric Yap at bakit anya kailangang gawing halimbawa ang hitsura ng pananamit o kultura ng mga Igorot o ng isang tribu.

 Ang tinutukoy ni Yap ay ang kumalat sa online ngayon na ang taon sa mag-aaral ay:”Nakita mong tinutukso ng ka­klase mo ang isang batang Igorot dahil sa kanyang anyo, ano ang iyong gagawin?

“Tila malaking isyu na pala ngayon ang anyo o pananamit ng tao para sa DepEd?” ani Yap.

Lalong hindi nagustuhan ng mambabatas ang isa pang tanong sa module na, “Makikipaglaro ka ba sa kaklase na Igorot dahil iba ang kanyang pananamit”?

“Bakit kailangang turuan ang mga bata na may mga kababayan tayo na iba ang anyo o kultura?” dagdag pa ni Yap.

“Let us not teach them about discrimination,” dagdag pa ng Benguet caretaker.