3 milyong bakuna darating ngayong Pebrero
MANILA, Philippines — Inaasahang darating ngayong buwan ng Pebrero ang nasa tatlong milyong doses ng bakuna laban sa COVID-19 matapos ang matagumpay na negosasyon sa mga pharmaceutical companies at COVAX facility.
Ito ang iniulat kamakalawa ng gabi ni vaccine czar Secretary Carlito Galvez Jr., kay Pangulong Rodrigo Duterte.
“Natutuwa po kami at natutuwa po ‘yung mga LGU na they will receive ‘yung 117,000 na COVAX Pfizer and also more or less 5.5 million to 9.2 million po na AstraZeneca,” ani Galvez Jr.
Posible aniyang sa kalagitnaan o hanggang sa huling linggo ng Pebrero dumating ang hinihintay na bakuna.
Sinabi rin ni Galvez na ang unang vaccine rollout ay magiging posible dahil sa tulong ng COVAX facility, global alliance na naglalayong tulungan ang mga mahihirap na bansa na mabakunahan ang kanilang mga mamamayan.
Sinabi rin ni Galvez na nangako ang COVAX facility na magbibigay ng 117,000 COVID-19 vaccine doses sa mga health workers ng bansa.
- Latest
