4 tiklo sa P6.1 milyong shabu sa Makati
MANILA, Philippines — Apat na drug suspect ang naaresto ng mga otoridad sa isang buy-bust operation sa sa Kalayaan Ave., Barangay West Rembo, Makati City, kamakalawa ng gabi.
Kinilala ang mga naarestong suspek na sina Marivic Delacuesta, alyas “Nene”, 36; Daryl Ace Parungo, alyas “Toperl”, 29; Jamail Bura, alyas “Jam”, 37; at Frank Lawrence Dela Cruz, alyas “Oyong”, 18.
Sa ulat, alas-9:35 ng gabi nang maganap ang buy-bust operation sa nasabing lugar nang makumbinsi ng asset ang mga suspek na magdeliber ng iligal na droga sa isang poseur-buyer na tauhan ng Station Drug Enforcement Unit (SDEU).
Nang magpalitan na ng halagang P600,000 boodle money at 12 genuine P1,000 bills, at 5 ‘knot tie’ plastic sachet na naglalaman ng shabu, naglutangan na ang otoridad at inaresto ang mga suspek.
Nasamsam ang mga bitbit na shopping bag ng mga suspek na may lamang 900 gramo ng shabu na nagkakahalaga ng P6.1 milyon.
- Latest
