Mayor na nasa Duterte list, patay sa ambush
MANILA, Philippines — Dead-on-the-spot ang isang alkalde at kanyang driver matapos tadtarin ng bala sa naganap na ambush kahapon ng umaga sa Libungan Barangay Cabayuran, bayan ng Libungan, Cotabato.
Kinilala ang mga nasawing sina Libungan Mayor Christopher “Amping” Cuan, 46; at kanyang drayber na si Edwin Navarro Ihao, 36.
Batay sa ulat ng pulisya, mag-alas-11:00 ng umaga kung saan kararating umano ni Mayor Cuan sa Libungan mula sa Davao City at dumiretso sa ginagawang bagong Libungan Cockpit Gallera sa Barangay Cabaruyan ng sundan ng isang kulay asul na SUV na may apat na sakay at doon ay pinagbabaril ang sasakyan ng alkalde gamit ang matataas na calibre ng baril tulad ng M-16 rifle base sa narekober na basyo ng bala.
Una nang tinangka noong nakalipas ng taon ang buhay ng alkalde ngunit nakaligtas ito.
Minsan na rin lumabas ang pangalan ng alkalde sa drug watchlist ni Pangulong Duterte ngunit mariin itong itinanggi ng napaslang na mayor. - Doris Franche
- Latest