7 miyembro ng Dawlah Islamiya todas sa engkuwentro
MANILA, Philippines — Pitong miyembro ng Dawlah Islamiya ang nasawi nang makasagupa ang Moro Islamic Liberation Front (MILF) sa Barangay Tuka, Mamasapano, Maguindanao, kamakalawa.
Ang mga nasawing ekstremista ay kabilang sa 30 armadong na balak umatake sa detachment ng 33rd Infantry Battalion sa nabanggit na barangay.
Sa ulat na nakarating kay Major Gen. Juvymax Uy ang Commander ng Army’s 6th Infantry Division at pinuno ng Joint Task Force Central pinamunuan umano ni MILF Samad Simpal ang pagharang sa mga grupo ng Dawlah Islamiya sa hangganan ng Shariff Aguak at Shariff Saidona Mustapha at napatay ang pito.
Nabatid na ang pitong terorista ay mga tagasunod ni Kumander Motorola, sa ilalim ng grupo ni Iman Karialan, isa sa mga lider ng tatlong factions ng Dawlah Islamiya.
- Latest
