Sundalo dedo sa motorsiklo
MANILA, Philippines — Idineklarang dead on arrival sa ospital ang isang sundalo habang sugatan ang kanyang angkas matapos na rumampa sa center island ang minamanehong motorsiklo sa Maharlika National Highway at diversion road sa Brgy. Concepcion Pequena, Naga City, Camarines Sur, kamakalawa.
Kinilala ang nasawi na si Pvt. Leo Christoper Martinez, 23, residente ng Brgy. San Jose, Pili at kasapi ng 9th Infantry Batallion ng 9th Infantry Division ng Philippine Army habang patuloy na ginagamot ang sugatang angkas na si Michaela Jacob, 21, ng Iriga City.
Sa ulat, alas-10:00 ng gabi ay minamaneho ni Martinez ang motorsiklo at angkas si Jacob at mabilis na binabagtas ang kahabaan ng highway nang mawalan ng kontrol dahilan para bumangga sila at rumampa sa center island sa harapan mismo ng Naga City Police Precinct 2.
Mabilis na isinugod ang mga biktima sa ospital pero hindi na umabot nang buhay ang sundalo.
- Latest