1,114 eskuwelahan kandidato sa ‘face-to-face’ class dry run
MANILA, Philippines — Inihayag kahapon ni Education Secretary Leonor Briones na nasa 1,114 eskuwelahan sa Pilipinas ang kandidato para sa dry run ng face-to-face classes sa mga low-risk area sa COVID-19.
Sa kabila nito, kailangan pang suriin ng DepEd ang mga eskuwelahan sa kanilang pagsunod sa health protocols laban sa COVID-19.
Kinakailangan din ng pagsang-ayon ng mga magulang at ng lokal na gobyerno.
Dagdag pa ng Education secretary na lilimitahan lang din ang bilang ng mga estudyanteng papasok sa eskwelahan ‘pag nagkataon.
“Halimbawa, kindergarten to Grade 3 — 25 kids. But we have to look at the classroom itself kasi we must comply with the requirement of social distancing. That is a major consideration,” paliwanag ni Briones.
Maaari pa ang mangyari na mahati sa iskedyul ang mga klase.
“Classes can be split. Hindi ‘yan that they will be all meeting—all 25 of them for kindergarten or all 45 of them for Senior High School…Siguro once or twice a week on limited hours,” dagdag pa niya.
Nitong Lunes lang nang aprubahan ni Pangulong Rodrigo Duterte at miyembro ng kanyang gabinete ang panukala ng DepEd na magsagawa ng dry run para sa pagbabalik ng face-to-face classes sa mga lugar na mababa o walang kaso ng COVID-19.
- Latest
