Ex-NBI agent na wanted sa kasong murder, timbog
MANILA, Philippines — Naaresto ng mga otoridad ang isang dating ahente ng National Bureau of Investigation (NBI) na top. 1 most wanted kaugnay sa dalawang kasong murder sa Muntinlupa City.
Ang suspek ay kinilalang si Saul Hermano, 56, dating NBI Special Investigator Agent 3, na nag- AWOL noong 2009, residente ng Barangay San Roque, Marikina City.
Sinabi ni Police Brigadier General Danilo P. Macerin, director ng QCPD, alas-5:00 ng hapon noong Huwebes nang maaresto ang suspek sa Chestnut Drive, Brgy. Pasong Tamo, Quezon City.
Sa rekord, si Hermano ay nasa talaan ng No. 1 Most Wanted Person Regional Level ng 2015 sa two counts ng murder at may warrant of arrest na inisyu ni Muntinlupa City Branch 256 Acting Presiding Judge Leandro C. Catalo, na walang inirekomendang piyansa.
- Latest
