‘Special child’ patay sa sunog
MANILA, Philippines — Isang 12-anyos na lalaki na sinasabing ‘special child’ ang nasawi makaraang makulong sa nasusunog nilang bahay sa Sta. Ana, Maynila, kahapon ng umaga.
Ang nasawi ay kinilalang si Daryl De Jesus, at nakatira sa Diamante Street, Fabie Estate, Road 4, San Andres, Sta. Ana.
Sa ulat ng Bureau of Fire Protection, dakong alas-9:30 ng umaga nang mag-umpisa ang apoy buhat sa loob ng bahay ng biktima na mabilis kumalat sa buong kabahayan.
Naipit naman sa loob ng kaniyang kuwarto sa ikalawang palapag ng bahay ang bata na hindi na nagawang mailigtas dahil sa biglaang paglaki ng apoy.
Sa mopping operation, tumambad ang tupok na bangkay ng biktima na labis na ikinahinagpis ng kaniyang mga kaanak.
Inaalam pa kung ang isang bagong biling speaker ang nag-short circuit at siyang pinagmulan ng apoy.
- Latest