P10.5 bilyong pinsala sa agrikultura dahil kay Quinta, Rolly at Ulysses

MANILA, Philippines — Inihayag ng Department of Agriculture na umabot na sa P10.5 bil­yon ang napinsala sa sektor ng agrikultura dulot ng bagyong Quinta, Rolly, at Ulysses.

Sa kabila nito, nag­laan na ng anim na bil­yong piso ang departamento para sa mga magsasaka at mangingisda at ipinatupad din ang price freeze sa agricultural commodities at basic goods.

Sa pinakabagong datos ng DA, sinabing ang kabuuang pinsala ng bagyong Ulysses ay uma­bot na sa P2.53 bilyon kung saan 73,000 magsasaka at mangingisda ang apektado.

Habang 109,000 metric tons lost production naman ang naitala sa Cordillera Autonomous Region, Ilocos Region, Cagayan Valley, Central Luzon, CALABARZON, at Bicol Region. -