Quezon road tragedy: 4 utas
MANILA, Philippines — Namatay ang 4 katao kabilang ang isang Indian national sa magkakahiwalay na vehicular accident kamakalawa sa lalawigan ng Quezon.
Naitala ang unang aksidente, alas-3:45 ng hapon sa Maharlika Highway, Barangay Talisay, Tiaong, Quezon na kung saan ay bumabagtas ang tricycle na minamaneho ni Aldrich Mendoza, 29 sakay ang pasaherong si Joel Delos Reyes, 41, nang mawalan sila ng kontrol dahil sa madulas na kalye at bumangga sa Bicol bound na Wing Van truck ni Alger Garcia.
Namatay noon din si Delos Reyes habang hindi na umabot ng buhay sa ospital si Mendoza.
Samantala, alas-6:15 ng gabi ay namatay noon din ang Indian national na si Kumar Manjit, 36 matapos mabangga habang nagmomotor ng trak na minamaneho ni Philip Abdula, 37, sa Diversion Road, Barangay Domoit, Lucena City.
Patay din si Wilfredo Oreta, 63, matapos mabundol ng kotse na minamaneho ng negosyanteng si Mark Losloso, 29, ng Barangay Ibabang Dupay.
- Latest