Duterte, idineklara ang Setyembre 8 bilang National Green Building Day
MANILA, Philippines — Para paigtingin pa ang pagtataguyod sa energy-efficient at green buildings sa buong bansa ay idineklara ni Pangulong Rodrigo Duterte ang September 8 kada taon bilang “National Green Building Day.”
Nakasaad sa Proclamation Number 1030 na dapat nai-promote ang sustainable development sa construction sector.
Pinasisiguro rin ang pagsusulong ng mga inisyatibo sa maayos at tamang paggamit sa resources, sa tubig, waste management, at integration ng eco-friendly processes and systems.
Inaatasan ang Department of Public Works and Highways (DPWH) na makipag-ugnayan sa iba’t ibang non-government organizations at civil society group na itaguyod ang National Green Building Day.
Inaatasan naman ang iba pang tanggapan ng pamahalaan na suportahan ang DPWH.
Nilagdaan ng Pangulo ang proklamasyon noong October 21 pero ngayon lamang inilabas sa publiko.
- Latest
