Kaso tuloy kahit magbitiw kayo!
Duterte sa mga tiwaling opisyal…
MANILA, Philippines — “Hindi sila maililigtas ng pagbibitiw sa puwesto at siguradong swak ang mga ito mula sa criminal o administrative liability.”
Ito ang tiniyak ni Pangulong Rodrigo Roa Duterte sa mga tiwaling opisyal na sa taped address ng Chief Executive, at ang tinukoy ang nangyaring kaganapan sa PhilHealth kung saan mahigit 40 senior officials ang nagbitiw sa puwesto para mabigyang daan ng reorganization ng scandal-plague agency.
“Let me remind everybody in this government. Your resignation will not save your neck,” giit ng Pangulo.
“You are not allowed to resign to escape liability,” diing pahayag nito.
Una nang pinalawig ni Pangulong Duterte ang saklaw ng imbestigasyon ng inter-agency task force na binuo nito para tingnan ang korapsyon sa pamahalaan.
Ipinag-utos ni Pangulong Duterte sa task force na imbestigahan ang di umano’y korapsyon sa Department of Public Works and Highways (DPWH).
Binuo ng Chief Executive ang inter-agency body noong buwan ng Agosto para imbestigahan ang alegasyon ng korapsyon sa Philippine Health Insurance Corporation (PhilHealth).
- Latest
