Foreigners puwede nang makapasok sa Pinas, simula Nobyembre 1
MANILA, Philippines — Simula sa darating na Nobyembre 1, 2020 ay pinapayagan na ng Inter-Agency Task Force (IATF) ang mas maraming foreign nationals na makapasok ng Pilipinas.
Ito ang sinabi ni Presidential spokesperson Harry Roque at agad nilinaw na hindi lahat ng foreign nationals ay pupuwedeng pumasok kundi yun lang merong investors visa na inisyu ng Bureau of Immigration at Department of Justice (DoJ).
Ang pagpasok aniya ng mga dayuhan sa bansa ay subject pa rin sa mga kondisyon tulad ng kailangan ang mga ito ay mayroong valid at existing visa.
Ang mga ordinaryong tourist visa holders aniya ay hindi pa rin pinapayagan at lahat nga ng mga naisyung mga tourist visa sa mga nakalipas na panahon ay na-revoked na at kinakailangan mag-apply ng bagong visa.
- Latest
