Cayetano tinanggihan na maging Deputy Speaker
MANILA, Philippines — Inihayag ni 1 PACMAN Partylist Rep. at Deputy Speaker Mikee Romero na tinanggihan umano ni Taguig-Pateros Rep. Alan Peter Cayetano ang alok ni Speaker Lord Allan Velasco na maging Deputy Speaker ito sa ilalim ng kaniyang liderato.
“It’s just parang courtesy, out of respect, he’s the former Speaker (House of Representatives ) the position of Deputy Speaker was offered to him but he rejected ,” ani Romero.
Ayon kay Romero na siya ring Pangulo ng Partylist Coalition Foundation Inc. sa Kamara, dahilan sa hindi tinanggap ni Cayetano ang alok ni Velasco kaya inalok naman ang posisyon ng Deputy Speaker sa misis nitong si Taguig City Rep. Maria Laarni “Lani” Cayetano.
Una nang sinabi ni Velasco na aalukin niya ng posisyon si Cayetano at bahala itong mamili kung nais nitong maging Deputy Speaker o kaya naman ay bilang Chairman ng isa sa mga komite ng Kamara.
Sa kasalukuyan ay wala pang opisyal na pahayag si Cayetano sa isyu kung talagang tinanggihan nito ang alok ni Velasco at ano ang kaniyang dahilan.
- Latest
