Maynila magsasagawa ng libreng mass swab testing

MANILA, Philippines — Magkakasa ng libreng mass swab testing ang Manila City Government para sa maraming trabahador sa lungsod.

Ayon sa anunsyo ng Manila Public Information Office, target ng libreng mass testing ang mga nagtitinda sa palengke, mall employees, hotel staffers, restaurant workers, e-trike drivers, pedicab drivers, tricycle drivers, jeepney drivers at bus drivers sa lungsod batay sa utos ni Manila Mayor Francisco ‘Isko Moreno’ Domagoso.

Samantala, binuksan ang ikalawang COVID-19 laboratory sa Sta. Ana Hospital, Maynila na kayang ma­kapag-proseso ng naturang laboratoryo ng 1,000 swab samples kada araw.