12 patay sa COVID-19 sa Caloocan at Malabon

MANILA, Philippines — Sampu ang nadagdag sa mga namatay sa COVID-19 sa Caloocan City habang dalawa naman ang pumanaw sa Malabon sa nasabi ring sakit kamakalawa.

Sa ulat ng Caloocan Health Department, umakyat na sa  225 ang namamatay dahil sa pandemya mula sa 215 noong Set­yembre 17. Habang pumalo na sa 7,687 ang tinamaan ng nasabing nakamamatay na sakit mula sa 7,367 dalawang araw ang nakararaan, at mula naman sa 6,412 ay 6,734 na ang gumaling.

Sa kabilang dako, dalawa ang binawian ng buhay mula sa Barangay Hulong Duhat at Longos sa Malabon City kaya’t 180 na ang COVID casual­ties sa lungsod.