18 inmate, 1 jailguard sa BPJ, nagpositibo sa COVID-19

MANILA, Philippines — Nagpositibo sa COVID-19 ang 18 preso at isang jail guard sa Bulacan Provincial Jail (BPJ).

Ito ang iniulat ni BPJ warden ret. P/Col. Marcos Rivero at inilagay na ang 18 inmate sa Cell no. 29 at hinahatiran na lamang sila doon ng pagkain, vitamins at gamot, habang ang jail guard ay naka-home qua­rantine na sa kanilang bahay sa bayan ng Pandi.

Ang mga nasabing nagpositibo ay unang nakaramdam ng sipon at pag-ubo kung kaya agad silang pina-swab test.

Simula pa noong Marso nang pumutok ang nasabing virus ay hindi na pinayagan ni Rivero ang pagtanggap ng dalaw sa nasabing piitan upang maiwasan ang pagkalat o ang pagkakahawa ng mga bilanggo sa mga dumadalaw na mula sa iba’t ibang lugar sa lalawigan.