Halloween at Trick-or-Treat bawal sa San Juan
MANILA, Philippines — Mahigpit na ipinagbabawal ng pamunuan ng San Juan City government ang pagsasagawa ng Halloween at Trick-or-Treat activity sa lungsod.
Isasara rin ang lahat ng public, private cemeteries at mga kolumbaryo mula Oktubre 30 hanggang Nobyembre 3.
Ayon kay San Juan City Mayor Francis Zamora, nilagdaan na niya ang Executive Order No. 49 para sa temporary closure ng mga pampubliko at pribadong sementaryo, maging mga kolumbaryo sa lungsod sa mga nasabing petsa.
Ayon sa Alkalde, ang mahigpit na pagbabawal sa pagdaraos ng Trick-or-Treat at iba pang activities ay upang maiwasan ang posibleng pagkakaroon ng mass gathering na maaaring mauwi sa pagkakahawahan ng coronavirus disease 2019 (COVID-19).
Una na rin namang ipinag-utos nina Manila Mayor Isko Moreno at Mandaluyong City Mayor Menchie Abalos ang pansamantalang pagsasara ng mga sementeryo sa kani-kanilang mga lungsod sa panahon ng Undas upang makaiwas sa posibleng pagkalat pa ng COVID-19.
- Latest
