3 bagong bus stops sa EDSA binuksan
MANILA, Philippines — Upang mabawasan ang naiibsang pahirap sa mga commuters, tatlo pang karagdagang bus stops ang binuksan kahapon sa kahabaan ng EDSA.
Ayon sa Department of Transportation (DOTr), kabilang sa binuksan na bus stops ay ang North Avenue, Quezon Avenue, at Nepa Q-Mart.
Sinabi ng DOTr, karagdagan ito sa apat na naunang binuksang bus stops na kinabibilangan ng Guadalupe, Ortigas, Santolan, Main Avenue.
“Ang mga ito ay binuksan upang makapagbigay ng mas maginhawa at epektibong serbisyo sa ating mga kababayan sa pamamagitan ng pagdagdag ng mga istasyon kung saan papayagang sumakay at bumaba ang mga pasahero ng mga bus na bumibiyahe sa kahabaan ng EDSA Busway,” anang DOTr.
Target ng DOTr na magkaroon ng 29 na bus stops sa EDSA Busway.
- Latest