4-anyos ni-rape/slay ng 17-anyos

MANILA, Philippines — Patay na nang matagpuan ang isang 4-anyos na batang babae matapos na gahasain ng isang 17-anyos na binatilyo sa Caloocan City.

May takip na mga dahon ang bangkay ng biktima nang matagpuan sa likod ng isang abandonadong bahay.

Ayon sa ama ng biktima, iniwan niya ang anak noong Linggo ng tanghali sa playground ng kanilang compound at alas-4:00 ng hapon nang kanyang balikan ay wala na ito doon.

Sa kanyang pagtatanung-tanong, isang residente ang nagsabi na  isang 17-anyos na lalaki ang kumuha sa kanyang anak kaya’t nagsagawa ng follow-up operation  ang mga pulis at naaresto ang suspek na lango pa sa alak.

Inamin  ng suspek na ginahasa niya ang biktima at pinukpok ng dalawang beses sa ulo dahil sa pag- iyak at pagsigaw.

Ang suspek ay nakatakdang sampahan ng rape with homicide.