Maynila, 24 hours na ang food take-out at delivery
MANILA, Philippines — Puwede nang maka-order ng pagkain anumang oras sa siyudad ng Maynila makaraang ipag-utos ni Mayor Isko Moreno na gawing 24 oras ang food delivery at take-out upang tulungang kumita ang mga negosyo ngayong panahon ng pandemya.
Pinirmahan ni Moreno ang Executive Order No. 35 na sinabi niyang paraan ng Pamahalaang Lungsod para protektahan rin ang trabaho ng mga taga-Maynila at upang patuloy na mabuhay ang mga negosyo.
Kailangan umano na gumawa ng mga paraan para unti-unting mapanumbalik ang ekonomiya partikular na sa industriya ng pagkain at mga restoran. May pangangailangan din na mabalanse ang pangangailangan ng publiko.
Ngunit ipinaalala ng alkalde na maaari lamang pagsilbihan ng mga restoran ang mga taong may otorisasyon na lumabas ng bahay sa mga oras na may umiiral na curfew.
- Latest