2 Chinese na kidnaper, tiklo
MANILA, Philippines — Naaresto ng mga elemento ng Philippine National Police Anti Kidnapping Group ang dalawang Chinese habang ligtas na nasagip ang 2 Chinese na kanilang kinidnap sa isinagawang operation sa Las Piñas City.
Nakilala ang mga suspek na sina Weng Zhiting at Cheng Guo habang nasa ligtas nang kalagayan ang biktimang sina Jiang Xiao Hao at Li Weizu.
Sa ulat, alas- 11:00 ng umaga nang isinagawa ang operation ng mga otoridad sa Block 5 Lot 11, Louis Vail, Aurelia St, BF Resort Village, Las Piñas City.
Isinagawa matapos na humingi ng tulong ang misis ni Jiang Xiao Hao na si Yang Lingyu, na dinukot ito noong Aug. 7, 2020 sa Regency Salcedo, Bel-air, Makati City ng mga armadong grupo na humihingi ng 500,000 RMB kapalit ng pagpapalaya nito.
Nang muling tumawag ang mga suspek ay nagpasiya ang pamilya ng biktima na magbigay ng halagang 80,000 RMB na ipinadala sa pamamagitan ng Alipay Apps Account na transfer sa account ng mga suspek.
Dito na nagsagawa ng operation ang mga otoridad matapos na makumpirma na pumasok na ang nasabing pera at lokasyon ng biktima at mga suspek.
- Latest