Mass lay-off sa LRT-1 pinalagan ng mga empleyado
MANILA, Philippines — Nasa 170 empleyado ng Light Rail Transit (LRT-1) ang mawawalan ng trabaho simula sa Setyembre 15 dahil sa pagbaba ng ridership ng 90%...
Ayon sa ulat, karamihan sa mawawalan ng mga trabaho ay teller at supervisor sa mga istasyon ng LRT-1 na pinatatakbo ng Light Rail Manila Corporation (LRMC).
Paliwanag ng pamunuan ng LRMC na naapektuhan ng COVID-19 ang operasyon ng LRT-1 kaya bumaba ang kita at kailangan nilang magbawas ng empleyado.
Dahil dito, umaalma ngayon ang mga empleyado na nakasama sa mass lay-off dahil nawalan sila ng trabaho habang umiiral pa naman ang modified enhanced community quarantine (MECQ).
Gumawa rin umano ang pamunuan ng mga kaukulang hakbang para mabalanse ang financial position at dahil sa pag-scale down ng kanilang operasyon sa panahon ng community quarantine ay napagtanto nila na kinakailangan na nilang magbawas ng kanilang mga trabahador.
- Latest