NCR handa ng ibalik sa GCQ — Lorenzana
MANILA, Philippines — Handa na ang Metro Manila para sa General Community Quarantine pagkatapos ng Agosto 18.
Ito ang paniniwala ni Defense Secretary at National Task Force against COVID-19 chairman Sec. Delfin Lorenzana bunsod ng pagbaba ng trend sa mga bagong kaso ng CoVid-19 sa mga nagdaang araw.
Sinabi ni Lorenzana na bumaba na umano sa 3,000 ang bagong kaso kumpara sa 6,000 noong nakaraan kaya’t handa na umanong ibaba ang MECQ sa GCQ dahil alam na kung saang area may infection.
Ito lamang umano ang kanilang tututukan upang makabalik na sa trabaho ang mga tao.
Sa inilabas kamakalawa na datos ng DOH, may kabuuang 129,913 kaso na ng COVID-19 sa Pilipinas na may 67,673 gumaling at 2,270 namatay.
- Latest