Distribusyon ng SAP-2 sa NCR tapusin sa susunod na linggo - DILG
MANILA, Philippines — Inatasan na ng Department of the Interior and Local Government (DILG) ang mga local government units (LGUs) na tapusin na ang pamamahagi ng ikalawang bahagi ng Social Amelioration Program (SAP-2) sa National Capital Region (NCR) hanggang sa susunod na linggo.
Ayon kay Interior Secretary Eduardo Año na siya ring vice chairperson ng National Task Force on COVID-19, sa report na kaniyang natanggap hanggang nitong Agosto 7, 2020 ay naipamahagi na ang SAP 2 financial assistance sa may 71,701 waitlisted family beneficiaries sa NCR.
Nai-distribute na rin aniya sa pamamagitan ng “digital disbursement” ng SAP second tranche sa may 1,553,052 original family beneficiaries sa mga “pilot cities” gaya ng Caloocan, Makati, Pasig, at Quezon City.
“Both the DSWD and the DILG are looking at Saturday, August 15, 2020 to complete the distribution of SAP 2 financial aid to our target of more than 2,675,610 family beneficiaries, both original and wait-listed, in Metro Manila. The release of this financial aid during the MECQ will help mitigate the economic impact of stricter quarantine measures in Metro Manila and surrounding provinces,” pahayag ni Año.
- Latest
