Mayor ng South Cotabato, itinumba ng tandem

MANILA, Philippines — Idineklarang dead on arrival sa ospital ang mayor ng Santo Niño, South Cotabato na si Pablo Matinong Jr., 55, nang ito ay barilin sa ulo habang iniinspeksyon ang ginagawang proyekto sa Purok Libertad, Brgy.Poblacion, kahapon ng umaga.

Sa ulat, alas-8:00 ng umaga ay mag-isang naglalakad ang biktima para inspeksyunin ang ipinapagawa nitong pro­yekto sa lugar nang malapitang barilin sa ulo ng isang lalaki.

Nang bumagsak ang biktima ay agad tumakas ang gunman at sumakay sa motorsiklo ng nakaantabay na  kasama.

Patuloy ang imbestigasyon ng pulisya sa kaso.