PGH hinikayat ang COVID-19 survivors na mag-donate ng plasma
MANILA, Philippines — Upang makatulong sa posibleng paggaling ng mga pasyente dahil mauubos na ang suplay ay hinihikayat ng Philippine General Hospital (PGH) ang mga COVID-19 survivor na magbigay ng convalescent plasma.
Ito ang sinabi kahapon ni PGH spokesperson Dr. Jonas del Rosario at nagsasagawa ng clinical trial ang ospital para sa convalescent plasma bilang lunas sa coronavirus.
Aniya, natatakot ang ilang survivor na magtungo sa ospital dahil sa pangambang mahawaan ang mga ito ng virus, subalit maaari naman umanong mag-donate ng dugo sa pribadong lugar.
Karamihan aniya sa 30 severe at critical cases ng COVID-19 ang nagkaroon ng pagbuti sa kalusugan matapos makatanggap ng convalescent plasma. Para sa mga nais mag-donate, maaaring tumawag sa hotline ng ospital sa 155-200.
- Latest
