Pag-apruba ng Kamara sa Bayanihan 2, siniguro
MANILA, Philippines — Upang tulungan ang pamahalaang solusyunan ang epekto ng krisis ng pandemya ay nangako ang Kamara na aprubahan ang ikalawang bahagi ng Bayanihan law.
Isinagawa ni House Majority Leader Martin Romualdez ang komento makaraang sabihin ng Palasyo na maaaring magpatawag ng special session si Pangulong Rodrigo Duterte upang aprubahan ang Bayanihan to Recover as One Law.
Hinihintay na lamang ng Kamara ang opisyal na pahayag ng Palasyo ukol sa special session, ayon kay Romualdez.
Muling iginiit ni Romualdez ang suporta ng 18th Congress sa Pangulo mula nang magbukas ang sesyon ng mga ito noong Hulyo 2019.
Sa ilalim ng panukalang batas, ilalaan ang P162 bilyong standby fund at gagamitin upang suportahan ang mga operasyon at response measures upang solusyunan ang krisis ng COVID-19.
Kabilang dito ang pagpapabuti ng healthcare services at COVID-19 testing, tulong sa mga manggagawa, sektor ng edukasyon, government financial institutions, sektor ng agrikultura at turismo, ang ilan sa mga ito.
Magbibigay din ito ng ayuda sa “all affected Filipinos” ng halagang P5,000 hanggang P8,000 kagaya ng unang Bayanihan Law.
- Latest