Quezon City naglunsad ng online legal assistance program
MANILA, Philippines — Upang makapagbigay ng ayudang legal ang mga residente ng Quezon City ay naglunsad si Mayor Joy Belmonte ng online legal assistance program para asistihan ang mga nangangailangan.
Ang QC Online Legal Assistance ay magkasamang itinataguyod ng lokal na pamahalaan at ng online legal resource MyLegalWhiz, para sa isang virtual lawyer na handang magbigay ng impormasyong legal at ayudang legal sa anumang oras.
Ang programa ay naglalaan ng free 500 credits sa mga residente ng lahat ng barangay na mag-sa sign up sa website.Ang credits ay maaaring magamit sa case summaries, drafts ng mga legal documents at mga ordinansa.
Ang mga interesado sa free legal assistance sa pamamagitan ng website ay maaaring maka-access sa www.credits.mylegalwhiz.com.
Ang website ay katatampukan din ng Legal Engineer Assistant (LEA) na isang digital research assistant na aasisti sa user sa paggawa ng mga dokumento at magbibigay ng abogado kung kinakailangan.
Anya ang website ay maaari ding kunan ng impormasyon at kaalaman tungkol sa COVID-19.
- Latest
