361 pasyente lalahok sa COVID-19 trial ng WHO
MANILA, Philippines — Dahil sa layuning makatuklas ng gamot panlaban sa virus ay lalahok ang nasa 361 pasyente na may COVID-19 mula sa iba’t ibang ospital sa bansa sa gagawing solidarity trial ng World Health Organizations (WHO).
Ang pagsali ng Pilipinas sa solidarity trial ay nakapaloob sa ulat ni Pangulong Rodrigo Duterte sa Kongreso bagaman at tapos na ang Bayanihan to Heal as One Act kung saan kailangang magsumite ng report ng Pangulo.
Naglaan ang gobyerno ng nasa P29.99 milyon para sa proyekto na tatagal ng isang taon.
Ang mga paggamit ng mga posibleng gamiting gamot laban sa virus ay ipinatutupad ng University of the Philippines National Institute of Health.
Kabilang dito ang remdesivir, hydroxychloroquine na gamot sa malaria, HIV drugs lopinavir/ritonavir, at lopanivir/ritonavir.
- Latest
