Magtatay pinasok sa bahay, pinatay
MANILA, Philippines — Dead-on-the-spot ang isang mag-ama nang sila ay pagbabarilin hanggang sa mapatay ng hindi pa kilalang mga suspek na pumasok sa kanilang bahay sa Caloocan City, kamakalawa ng gabi.
Kinilala ang nasawing mag-ama na sina Monico, 66 at Jerico Labarigo, 25 ng Brgy. 175, North Caloocan.
Sa salaysay sa pulisya ni Ligaya Labarigo, asawa ni Monico, alas-11:00 ng gabi nang sapilitang pasukin ng dalawang lalaki na kapwa armado ng baril ang kanilang bahay at hinahanap umano ng mga ito ang manugang ni Ligaya na si alyas “Bait,” at nang hindi ito makita ay ibinaling ang galit sa dalawang biktima at pinagbabaril. Masuwerteng hindi tinamaan ng ligaw na bala ang limang iba pang bata.
Nagtataka si Ligaya kung bakit pinatay ang kanyang mag-ama lalo’t wala namang kaaway at hindi rin kasama sa drugs watch-list ang mga ito. Aminado naman si Ligaya na dating nasangkot sa ilegal na droga ang kanyang manugang.
- Latest