Higit 12K ofws idedeploy sa Hong Kong
MANILA, Philippines — Mahigit 12,000 overseas Filipino workers (OFWs) ang ipadadala sa Hong Kong sa gitna ng COVID-19 pandemic.
Ayon kay Philippine Consulate General Raly Tejada na inaasahang dadating sa Hong Kong ang 12,662 OFWs at sa bilang na ito, 7,907 na manggagawa ang bagong hire at 4,755 ang mga tinanggal na empleyado ngunit nakahanap ng bagong trabaho.
Kailangang sumailalim ang inbound travelers sa 14-day quarantine at COVID-19 screening bilang precautionary measures upang pigilan ang pagkalat ng virus.
“Medyo nagwo-worry din po ang Hong Kong government kung saan sila ilalagay sapagkat ang quarantine pong 14 days ay mandatory po rito,” saad ni Tejada.
“Ang mga employer po at mga agency na nagpadala po rito ng employees ay siya po ang may number one na may responsibilidad po na maglagay sa kanila sa quarantine centers, maging hotel man o sa mga pasilidad na tumatanggap ng quarantine.”
Iniulat din ng consul general na nakapagpauwi ito ng 200 stranded na mga Filipino pauwi sa bansa. Inaasahang uuwi pa sa mga susunod na araw ang 250 na iba pa.
- Latest