Jeepney at UV Express drivers gawing ‘cargo transporters’ - Solon
MANILA, Philippines — Dahil sa kawalan ng pagkakakitaan bunsod ng quarantine, iminungkahi kahapon ni ACT CIS Partylist Rep. Jocelyn Tulfo sa mga kumpanya ng Grab at iba pang Transport Network Companies (TNCs) na gawing “cargo transporters” ang mga drivers sa jeepney at UV Express upang maibsan ang pagkagutom ng pamilya.
“Higit dalawang buwan nang hindi pinapayagang pumasada ng Inter-Agency Task Force (IATF) ang mga jeepney drivers, huwag natin silang hayaan na patuloy na magutom,” apela ni Tulfo.
Aniya, sa kabila na nasa general community quarantine (GCQ) na ang Metro Manila at iba pang mga lugar dulot ng COVID-19 ay hindi pa rin pinahihintulutan ang mga jeepney drivers at UV Express drivers na makabiyahe.
“Some of all PUJs and UV express units could be mobilized for cargo transport of companies allowed to operate. PUJs can do cargo transport for hire and transport of relief goods and equipment,” giit ng mambabatas.
Ayon kay Tulfo, umaapela siya sa Grab at iba pang TNCs na kunin ang serbisyo ng mga PUJs at FX drivers bilang mga cargo transporters.
- Latest
