‘No test, no trip’ sa tricycle drivers sa Mandaluyong City

MANILA, Philippines — Magpapatupad ng ‘‘no test, no trips’’ ang lokal na pamahalaan ng lungsod ng Mandaluyong sa kanilang mga tricycle drivers upang matiyak ang kaligtasan nila at kanilang mga pasahero.

Kasunod na rin ito nang magpositibo sa virus ng daan-daang tricycle drivers na isinailalim ng lokal na pamahalaan sa COVID tests kamakailan.

“Ang Pamahalaang Lungsod ng Mandalu-yong ay papayagan lamang pumasada ang mga tricycle driver kung sila ay sasailalim sa COVID-19 rapid test para na rin sa kaligtasan nila at ng mga pasahero,” anang paabiso ng lokal na pamahalaan.

Ayon kay Mandalu-yong City Mayor Menchie Abalos, sa ngayon ay nasa 4,500 sa 7,000 re-histradong tricycle dri-vers ang sumailalim na sa rapid tests na ginawa ng City Health Department noon nakaraang linggo. 

Sa nasabing bilang, lumabas na may 277 tricycle drivers o anim na porsyento (6%) ang nagpositibo sa rapid test.