Guro itinumba ng tandem
MANILA, Philippines — Patay agad ang isang guro sa pampublikong paaralan nang pagbabarilin ng malapitan ng ri-ding-in-tandem sa Brgy. Poblacion , Guihulngan City, Negros Oriental nitong Biyernes ng gabi.
Idineklarang dead-on-arrival sa Guihulngan District Hospital ang biktimang si Basiledes Ledon, 59, ng Larena Street, Brgy. Poblacion ng nasabing lungsod. Siya ay nagtamo ng mga tama ng bala ng cal. 45 pistol sa iba’t ibang bahagi ng katawan na siyang agarang kumitil sa buhay nito.
Sa ulat ng Guihul-ngan City Police, alas-6:20 ng gabi habang nasa La-rena Street, Brgy. Poblacion ang biktima nang bigla na lamang sumulpot sa lugar ang dalawang suspek na magkaangkas sa kulay itim at puting Yamaha Scooter Mio na nakasuot ng jacket, bonnet at walang helmet. Saglit na pumarada sa lugar ang mga suspect at agad tinungo ang biktima na nasa bisinidad ng Larena Street saka pinagbabaril ng malapitan.
- Latest
