Pagtaas ng COVID-19 cases dahil sa validation capability ng DOH

MANILA, Philippines — Sinabi ni Health Usec. Maria Rosario Vergeire na ang pagtaas ng kaso ng coronavirus disease o COVID-19 sa bansa kada araw ay dahil sa case validation capability ng Kagawaran.

Ipinaliwanag ni Vergeire na  dumami ang encoder ng mga resulta ng mga kaso ng COVID-19 kaya’t asahan na rin na sa mga susunod pang mga araw ay mataas pa rin ang bilang ng mga kaso.

Nitong nakalipas na mga araw ay nakapagtala ang Kagawaran ng pinakamataas na bilang ng kaso sa bansa sa loob ng isang araw na ikinagulat ng lahat.