Bawal pa rin ang backriding sa motor – Eleazar
MANILA, Philippines — “Hindi pa rin papayagan ang backriding sa mga motorsiklo, kahit pa sa mga mag-asawa, sa kabila ng pagluluwag sa quarantine protocols sa Metro Manila”.
Ito ang sinabi ni Police Lieutenant General Guillermo Eleazar, commander ng Joint Task Force COVID Shield sa Laging Handa press briefing dahil paglabag sa physical distancing.
“Una, violation talaga sa physical distancing at siguro po wine-weigh nila ang pros and cons at sa ngayon, hindi pa po puwede. Kahit pulis hindi po puwede ang angkasan…” wika ni Eleazar.
Ipinagbawal ng national government ang back-riding sa mga motorsiklo upang masiguro na nasusunod ang social distancing sa gitna ng coronavirus disease 2019 (COVID-19).
Magugunita na iminungkahi ni Ako Bicol party-list Representative Alfredo Garbin Jr. na payagan ng pamahalaan ang motorcycle riders na magkaroon ng isang back-ride sa mga lugar sa ilalim ng GCQ, at sinabing “motorcycle is possibly the only mode of transportation for poor, low-income, and lower middle income segments of the population.”
Sa oras na payagan, dapat magsuot ng helmet at face shields maging face masks ang driver at pasahero at kung hindi susunod ay hindi papayagang makadaan sa checkpoint ang mga ito.
- Latest
