Maynila nangangailangan ng doktor at nurses
MANILA, Philippines — Upang mas mapalakas ang kakayahan para malabanan ang pagkalat pa ng coronavirus disease (COVID-19) ay nagbukas ang Manila Health Department ng mga bakanteng posisyon para sa mga doktor at iba pang healthcare workers.
Sinabi ni Manila Mayor Francisco “Isko Moreno” Domagoso na prayoridad nila ngayon ang pagkuha ng mga dagdag na mga healthcare workers kaya hiniling niya sa Finance Committee na maglaan ng kaukulang pondo para rito.
Ayon kay Dr. Grace Padilla, hospital director ng Sta. Ana Hospital/Manila Infectious Disease Control Center, may 30 bakanteng posisyon sila ngayon para sa mga nurses at 10 posisyon para sa mga doktor. Bukod dito, nangangailangan din sila ng mga medtech personnel.
Prayoridad din ng lungsod ang pagbili ng mga CT scanners, ECG at operating microscopes.
Kamakailan ay bumili ang Pamahalaang Lungsod ng Maynila ng walong digital x-ray machines.
- Latest