2 phases paiiralin sa mga papasadang sasakyan sa GCQ areas
MANILA, Philippines — Isasailalim sa dalawang phase ng Department of Transportation (DOTr) ang lahat ng pampasaherong sasakyan sa mga lugar na nasa ilalim ng general community quarantine (GCQ) na sisimulan sa Hunyo 1.
Ayon sa DOTr, sa Phase 1 mula Hunyo 1 hanggang Hunyo 21, papayagan ng DOTr na magkaroon ng bus augmentation, taxis, transport network vehicle services (TNVS), shuttle services, point-to-point bu-ses, at bicycles na may li-mitadong pasahero lamang.
Ang mga tricycles ay papayagan ding pumasada sa ilalim ng Phase 1 pero dapat may approval ng nakakasakop na local go-vernment unit (LGU) dito.
Ayon sa DOTr, habang pinaiiral ang Phase 1, walang provincial bu-ses ang papayagan na pumasok ng Metro Manila.
Sa ilalim ng Phase 2 mula Hunyo 22-30, ang mga public utility buses (PUBs), modern public utility vehicles (PUVs) at UV Express ay papayagan nang pumasada pero limitado rin ang pasahero na kapareho ng uri ng transport modes sa ilalim ng Phase 1.
Para matiyak na may limitadong pasahero ang lahat ng pampasaherong sasakyan, may 1-meter social distance rule ang ipaiiral sa bawat pasahero sa loob ng passenger vehicles na akma sa health protocols
Nilinaw rin ng DOTr na laan ang mas mara-ming lanes sa EDSA para sa mga pampasaherong sasakyan. Mayroon ding ilalagay sa EDSA na lanes para sa mga bisikleta at lalagyan doon ng pedestrian crossing at bus boarding areas sa mga strategic areas.
Sa ilalim ng “new normal” arrangement, ipaiiral ang paggamit ng teknolohiya para magkaroon ng road-based transport at maiwasan ang physical contact o face-to-face interaction upang maiwasan ang pagkalat ng COVID-19. Kasama sa pagbabago ang pagsasagawa ng automatic fare collection system (AFCS) para sa cashless payment transactions, electronic toll collection, at GNSS/GPS.
Related video:
- Latest
