P10.1 milyong puslit na yosi, nasabat

MANILA, Philippines — Nasabat ng mga tauhan ng Bureau of Customs ang nasa P10.1 milyong halaga ng puslit na iba’t ibang klaseng sigarilyo sa Port of Zamboanga, Istanbak, Brgy. Lower Calaran, Zam­boanga City.

Sa ulat, katuwang ang Zamboanga Police Station 8, nasabat ng Joint Task Force Zamboanga ang nasa 300 cases ng iba’t ibang uri ng siga­rilyo na hinihinalang galing sa Indonesia o Malaysia.

Ikinasa ang operasyon makaraan ang impor­masyon buhat sa asset ukol sa ilang tao na nagsasagawa ng smuggling sa Lower Calarian malapit sa oil depot.